പരസ്പരമുള്ള സ്നേഹവും, ബഹുമാനവും നഷ്ടപ്പെടുന്ന കോപാകുലരാകുന്ന സമയത്ത് അവർ തമ്മില്, അവരുടെ ആത്മാക്കൾ തമ്മില് അകലുകയും, ആ വിദൂരാത്മാക്കളുടെ സംഭാഷണം പൂർത്തയാക്കാനാണ് കൂടുതല് ഒച്ചയെടുക്കുന്നത് എന്ന് മുമ്പ് ഒരു സിദ്ധൻ പറഞ്ഞതായി പലരും പ്രചരിപ്പിച്ചിട്ടുണ്ട്. അങ്ങനെയെങ്കിൽ മൗനം എന്ന അവസ്ഥയാവില്ലേ അകൽച്ചയില്ലാത്ത ഏറ്റവും അടുത്ത ബന്ധങ്ങളിൽ കാണുക? പക്ഷെ നിർഭാഗ്യവശാൽ മൗനികളായി കാണുന്നത് തമ്മില് വഴക്കും, വക്കാണവും നടത്തിയവരെയാണ്. ഒന്നു നോക്കുക പോലും ചെയ്യാതെ മുന്നിലൂടെ പോയ പല സാഹചര്യങ്ങളും അറിയാം. ഒരുപക്ഷേ, ആത്മാക്കൾ തമ്മിലുള്ള ദൂരം അവ വഹിക്കുന്ന ശരീരവുമായുള്ള സംഭാഷണത്തെ ബാധിക്കും എന്ന കാര്യത്തിലെ എന്റെ തെറ്റായ കണ്ടെത്തലാവാം ഇത്, എങ്കിലും ഒരു കൗതുകം എന്ന നിലയ്ക്ക് നിങ്ങളുമായി പങ്ക് വെക്കുന്നു.
No comments:
Post a Comment